Ota quere voar é a historia dunha gaivota, desde que nace ata que se fai maior. Nela podemos coñecer o que fan as gaivotas, que non viven soamente para voar por riba das nosas cabezas ou comernos a merenda... Podemos ver como cazan, como aprenden a voar e como se relacionan cos demais paxaros. Ota terá que vivir incribles aventuras unha vez que aprenda a voar, porque ademais das preciosas paisaxes que se poden ver voando, tamén hai infinitos perigos que terá que superar para poder ser libre e regresar ao seu fogar.A historia de Ota comeza co seu nacemento. Xunto coa súa irmá, vive no niño dos seus pais. Xa de pequena, Ota é moi curiosa. Morre de ganas de saber como é o mundo e con poder observalo. Hai un montón de cousas que quere facer, pero o que máis desexa é poder voar. Ela quere viaxar e non para ata que o consegue. A súa primeira vez non é moi boa por culpa dun gabián, pero despois xa lle vai mellor.
Cando se fai maior e se independiza, encántalle ver á xente na praia. Todas as gaivotas teñen que estar sempre moi atentas xa que poden ser a vítima dalgún perigo que se lles presente, como un día cando Ota se achega demasiado a unhas nenas que fan un castelo de area e ela, ao non estar atenta, é raptada por un rapaz que a leva ata a súa casa. Alí, Ota pasa uns días horrorosos encerrada nunha gaiola. Fará todo o posible por saír dalí, será suficiente?
Como vedes, na vida das gaivotas pasan infinitas cousas que nós non sabemos e con este libro podemos descubrilas.
Eu creo que este libro está moi ben xa que se aprenden moitas cousas. Ademais, é moi facil de ler, lese moi rapido e é moi entretido poder saber un pouco máis.
Mar Álvarez Rama 1ºR
No hay comentarios:
Publicar un comentario